Пӧтъялыште военно-спорт модмаш эртен

           Пӧтъялыште военно-спорт модмашым эртареныт. Волжский районысо Пӧтъял кыдалаш школ негызеш школ команде- влак коклаште Ачамландын Геройжо-влакын кечыштлан пӧлеклалтше сарзе-спорт модмаш лийын. Программыште лӱйкалымаш, автоматым рончен-погымаш, вийым ончыктышо гимнастике, рвезе- влак кирам нӧлтеныт, ӱдыр- влак автомат магазиным теменыт. Тыге эн шуко баллым Памар кыдалаш школын командыже поген. Кокымшо верыш Сотнур школ лектын, кумшо верым Кугу Корамас школ сеҥен налын. Иктешлымашым ыштыме годым Волжский район администрацийын «Самырык тукымым патриотизм шӱлышеш шуарымашке пыштыме кугу надырлан» медальым военно-патриот ушемлам эн сайын вуйлатыше- влалкан кучыктымо. Тудым Шарача школ гыч Виталий Иванов, Пӧтъял школ гыч Юрий Сергеев, Сотнур школ гыч Олег Иванов налыныт.
         Фото: "Единый Россий".