Йошкар-Олаште троллейбус- влакын мучаш станцийышт да рӱдӧ диспетчер пунктышт чоҥалтеш

                Йошкар-Олаште  троллейбус- влакын мучаш станцийышт да рӱдӧ диспетчер пунктышт чоҥалтеш. Кугыжаныш закупко сайтыште нине обект- влак шотышто проект да смете документацийым ямдылыме нерген увер лектын. Контрактын тичмаш акше кок миллионат 100 тӱжем теҥге. Проектын заказчикше семын ола  округын муниципал заказ дирекцийже лийын. Объектым Мир уремысе 15-ше номеран пӧрт деч йӱдвелнырак вераҥдаш палемдыме. Кызытеш тиде раш: чоҥымо верын кумдыкшо 300 квадрат метр. Тушто каныме пӧлем, диспетчерский, кладовой, кочмывер, тамбур, шондан лийыт. Чоҥашлан смета ден проектым шушаш ийын 28-ше февраль марте ыштен шукташ палемдыме.

Прошлые выпуски