Марий Эл тений экспортым кок пачаш кугемден

                   Марий Эл Республике тений экспортым кок пачаш утла ешарен. Марий Элым вуйлатыше Александр Евстифеев паша дене Москошто улеш. Тушто тудо «Российыште ыштыме- 2021» Тӱнямбал экспорт форумышто пашам ышта. Форумышто Россий Правительстве председатель Михаил Мишустин участвоватла. Премьер- министр палемден: Россий кӱкшӧ качестван продукцийым луктеш, тудым чолган шараш да ойыртемжым, ӱшанлыкшым ончыкташ кӱлеш. Участник- влак Россий экспортын ончыкылыкшо, тӱнямбал рынкыште верже нерген мутланат. Тӱҥ спикер- влак коклаште Правительстве председательын икымше алмаштышыже Андрей Белоусов, Счётный палатым вуйлатыше Алексей Кудрин, Центробанкым вуйлатыше Эльвира Набиуллина, Росатом корпорацийын генеральный директоржын икмыше алмаштышыже Кирилл Комаров лийыныт. Марий Элын Правительствыже внешне экономик да регион- влак кокласе кыллан, внешний рынкыш лекташ кугу тӱткышым ойыра. Тений йотэлыш ужалымаш кушкын толеш. Январь гыч сентябрь марте  внешнеторговый оборот 369 миллион долларым эртен. Кодшо ийысе тыгаяк жап дене таҥастарымаште кок пачаш ешаралтын. Республике 94 эл дене кылым куча. Сату коклаште утларакше машиностроитель проукций-68 процент утла. Пу да кагаз сату 15 утла процент, кӱртньӧ да тудын дене ыштыме изделий 7 утла процент лийын.