Ковид ваштареш виктаралтше законодательствым чылан огыт шукто

               Республикыштына шым предприятий ковид ваштареш виктаралтше законодательствым пудыртен. Роспотребнадзор виктем Марий Элысе тӱҥ санитар врачын «Прививкым ыштыме нерген» пунчалжым кузе шуктымым тергаш тӱҥалын. Кызыт продукцийым лукшо, калыклан вӱдым да шокшым пуышо, ЖКХ полышым ыштыше шым предприятий шотышто административный пашам тарватыме. Тушто тыршыше пашаеҥ- влак палемдыме жапыштыже прививкым ыштыктен огытыл. Нунылан штрафым тӱлыктен кертыт. Административный тергымашым мучашлымеке, материалым судыш ончаш колтат, - увертара Роспотребнадзор виктем.