Татьяна Петрова- Тӱнян чемпионкыжо

            Марий Эл гыч спортсменка тайский бокс дене Тӱнян чемпионкыжо лийын. Тайландысе Бангкокышто тиде кучедалмаш дене Тӱнян Чемпионат ден Первенствыже эртен. Уло тӱня гыч 120 командын тӱжем спортсменже куд ийгот категорийыште чемпион лӱм верч кучедалын. Российын сборный командыштыже Марий Эл гыч Татьяна Петрова лийын. Тудо 48 килограмм марте нелытан- влак коклаште таҥасен. Татьяна ончыч Швеций гыч, вара Филиппин гыч ӱдырым сеҥен, полуфиналыште Тайландын спортсменкыжым, финалыште Украине гыч кучедалше ӱдырым сеҥен. Российын сборный командыже тайский бокс дене 9 шӧртньӧ медальым сеҥен налын. Ушештарена: Татьяна Петрова Российын тенийсе чемпионкыжо, Россий кубкым нал гынан сеҥен налше, Европын чемпионатыштыже кок гана кумшо верым налше спортсмен.
           Фото: Павел Стариков.

Прошлые выпуски