Кож пазар индешымше микрорайонышто лиеш
У ий кож пазар Йошкар-Олаште индешымше микрорайонышто пашам ышташ тӱҥалеш. Ола администрацийыште кож пазарым вераҥдаш электрон аукционым эртареныт. Ужалыме вер дене ныл лотым лукмо. Тиде Советский уремысе 174-ше пӧрт ваштареш, Бауман ден Йыван Кырла урем корнывож да Васильев уремысе икымше пӧрт воктелсе вер. Тыге кожым ужалыме верлан индешымше микрорайонышто Бауман ден Йыван Кырла урем ушнымаште верым ойырен налме. У ий кожым ужалыме пазар 24-ше гыч 31-ше декабрь марте пашам ышташ тӱҥалеш.