Йошкар-Олаште генерал-майорлан шарнымаш оҥам почмо

                  Кодшо кечылаште Йошкар-Олаште таможня службын генерал-майоржо, Российысе рӱдӧ энергетик таможньым вуйлатыше  Вениамин Васильевлан шарнымашан оҥам почыныт. Вениамин Анатольевич 1959-ше ий 18 апрельыште Морко районысо Элесола ялыште шочын. СССР МВД-н Горькийысе кӱшыл школжым тунем пытарен, кугыжаныш лӱдыкшыдымылык органлаште военный службым эртен. Вара Марий Эл, Самара, Угарман таможньылам вуйлатен, 2019-ше ий марте Россий Федерацйиын рӱдӧ энергетик таможьыжым вуйлатыше лийын. Мемориал оҥам почмашке погынышо- влак Вениамин Васильевым шарналтеныт да оҥа деке пеледыш аршашым пыштеныт.
                 Фото: МариМедиа.