Тӱкан шолдыра вольыкын лейкоз черже шотышто карантиным пуртымо

                Республикысе кок муниципальный районысо ныл озанлыкыште тӱкан шолдыра вольыкын лейкоз черже шотышто карантиным пуртымо. Российысе закон дене келшышын черлан умбакыже шарлаш огыл да тудым пытараш манын Морко районысо Йыр да Чодырасола ялыште, Медведево районысо Куптӱр ялысе посна оза- влакын суртыштышт карантиным увертарыме. Тазаҥдыме мероприятий планым пеҥгыдемдыме, озанлыклаште чер шарлымым чарыше мероприятий- влак эртаралтыт. Кызыт  республике мучко 42 озанлыкыште тӱкан шолдыра вольыкын лейкоз черже шотышто сӱрет келшен толдымылан шотлалтеш.