У маммограф- влак диагностикым саемдаш полшат
У маммограф- влак диагностикым саемдаш полшат. Республикысе медицина тӧнеж- влак цифран 8 у мамограф аппаратым налаш аукционым увертареныт. Тичмаш акше 116 миллион теҥгеш шуэш. Тиде паша тазалыкаралтышын превичный звеножым уэмдыме программе кышкарыште шукталтеш. Йошкар-Оласе икымше номеран поликлиникыште да Медведево районысо рӱдӧ эмлыме верыште у мамограф- влак лу ий утла ыштыше да тоштемше аппаратым вашталтат. А Звенигово, У Торъял, Куженер, Морко районласе, Козьмодемьянск да Волжск оласе рӱдӧ эмлыме вер- влак икымше гана тыгай оборудованийым налыт. Тиде оборудований ӱдырамашын оҥыштыжо рак чер вияҥаш тӱҥалмым ондакак пален налаш полша да черлан шарлаш эрык ок лий. 40 ийыш шумеке врач- влак мамографийым кажне кок ий гыч эртараш темлат.