Марий Эл мини- футбол дене Российысе фестивальыште участвоватла
Марий Эл йоча пӧрт да школ- интернат- влак коклаште мини- футбол дене Россий кӱкшытан фестивальыште участвоватла. Фестиваль 15-ше гыч 20-шо декабрь марте Угарман областьысе Городец районышто эрта. Республикын чапшым тушто «Тулык да ача-аван полышыжо деч посна кодшо- влаклан Лӱлпанысе рӱдерын» рвезе- влак командыже арала. Нуно тыгай таҥасымашлашке чӱчкыдын лектын коштыт да призан вер- влакым налыт. Тений нуно футбол дене Россий кӱкшытан «Ончыкылык тый дечет шога» таҥасымашын кокымшо йыжыҥыштыже модыныт да Оренбургын командыже деч вара кокымшо верым сеҥен налыныт.