Марий Турекыште ӱдыр-рвезе- влаклан икымше паспортым кучыктеныт
Марий Турекыште ӱдыр-рвезе- влаклан икымше паспортым кучыктеныт. Конституций кече вашеш Марий Турек кыдалаш школышто самырык граждан- влаклан торжественно паспортым кучыктымо. Гражданинын тӱҥ документшым 14 ийым темыше- влаклан муниципал районым вуйлатыше Лариса Яндыбаева кучыктен. Йоча- влакын илышыштышт кӱлешан событий дене саламлымаш да элын достойный гражданже лияш тыланымаш школым вуйлатыше Миляуша Гайнутдинова дечат йоҥген. Паспортым кидыш налмаш тиде кугу чап да шке пашалан кугу ответсвенность, правам налмаш гына огыл, обязанностят ешаралтеш. Сандене Российын гражданинже лӱмым илыш мучко достойно кучыман,- ойленыт пайремын озаже- влаклан. А визымше класс гыч кадет- влак кугурак йолташыштлан Шочмо эл нерген мурым пӧлекленыт.