Ача-ава- влакын мер контрольыштын Штабше пашам ышташ тӱҥалын

            Республикыштына ача-ава- влакын мер контрольыштын Штабше пашам ышташ тӱҥалын. Туныктыш да шанче  министерствын Общественный Советше пелен тыгай Штабым ыштыме. Тудо ача-аван тӱткышыжым йодшо йодыш- влак дене уверым погаш да лончылаш тӱҥалеш. Йодышыжо туныктымо инфраструктурым уэмдымаш, тунемме тӧнежлам олмыктымо, тунемме оборудованийым налме, шокшо кочкыш дене пукшымо дене кылдалтше лийын кертыт. Мер советшым Юрий Калаев вуйлата, а Штабын пашажлан мер советын еҥже Мария Шавкунова вуйын шога. Таче ик шагат ончыч Штабын икымше заседанийже погынен. Тушко туныктыш министр Лариса Ревуцкая толын. Погынышо- влак «Туныктыш» калыкле проектым шыҥдарыме, шушаш ийын ыштышаш тӱҥ паша- влак, ача- ава контроль ончылно шогышо пӱсын шогышо йодыш- влакым каҥашаш палемденыт. Штабын пашажын лектышыже семын темлымаш- влакым туныктыш министерствыш да муниципал туныктыш пӧлкалаш колтымаш лиеш.