Ӱдыр пикш дене туран лӱя
Марий Эл гыч пикшызе Юл кундем федерал округысо Чемпионатын той призёржо лийын. Таҥасымаш Тольятти олаште эртен. Тудо 10-шо гыч 13-шо декабрь марте ЦСКА комплексыште эртен. Элнан 11 кундемже гыч 70 пикшызе миен. Нунын коклаште мемнан спортсменкынат уло. Анна Глушкова блочный пикш гыч лӱйкалымаште чемпионатын той медальжым сеҥен налын,- увертара социал вотышто спорт-туризм министр Лидия Батюкова.