Марий Элысе АПК предприятий- влак «Российын 100 эн сай сатужо» конкурсын лауреатше лийыныт

             Марий Элысе АПК предприятий- влак «Российын 100 эн сай сатужо» Программе конкурсын лауреатше лийыныт. Нуно «Российын 100 эн сай сатужо» шӧртньӧ логотипым кучылташ праван лийыныт. Республикысе агропромышленный предприятий кокла гыч тиде радамыш пуреныт: «Звенигово» шыл комбинатын тушитлыме сӧсна шылже да тушитлыме ушкал шылже- когынек высший сортан; «Докторский» да «Русский» шолтымо шылан колбаса, жаритлыме «Украинский» колбаса. «Чай Руси» ушемын лышташан классик «Иван-чай», лышташан шоптыр дене, лышташан чабрец дене чай йӱышыжӧ- влак. Ший логотипым кучалташ праван дипломым тыгак «Звенигово» шыл комбинат бужениныже, «Советский» колбасаже, ветчинаже, «Краковский» колбасаже, рулетше, сарделькыже, кум тӱрлӧ биойогуртшо дене налын. Тыгак «Звениговскийын» тушенкыжо- влаклан «Золотая сотня» лӱмым пуымо. Конкурсын участникше семын свидетельстве дене тыгак Курык марий район гыч «Мариовощ» потребкооператив палемдалтын.