«Марий Эл» Ий полатыште фигурнын мунчалтымаш дене Россий кӱкшытан таҥасымаш тӱҥалын

                 Таче Йошкар-Оласе «Марий Эл» Ий полатыште синхрон мунчалтымаш дисциплиныште фигурнын мунчалтымаш дене «Марий вашлиймаш- влак» Россий кӱкшытан таҥасымашын да Россий кубкын йыжыҥже тӱҥалын да 18-ше декабрь марте шуйна. Таче ий ӱмбаке икымше спорт разрядан команде- влак лектыныт. А эрла кӱчык программе дене спорт мастер да спорт мастерыш кандидат- влак моштымашыштым ончыктат да кокымшо разрядан спортсмен- влак коклаште сеҥыше- влакым рашемдат. А кумышто спорт мастерыш кандидат да спорт мастер- влак произвольный программым ончыктат. Тиде таҥасымаш Российын чемпионатышкыже ойырен налме тур семын эрта. Мотор таҥасымаш эпидемиологий  ваштареш чыла мерым шуктен эртаралтеш да ончышо- влак деч посна эрта.