Республикысе чодыраште патруль- влак коштыт

                У ий лишемме дене республикысе чодыраште патруль- влак кошташ тӱҥалыныт. Пӱртӱсым аралыме мероприятий кож ден пӱнчым закондымын руымо ваштареш виктаралтын. Тиддеч посна эколог- влак моло ведомствын еҥышт дене пырля кож пазарлашке рейдым эртарат, а калык коклаште умылтарыме пашам шуктат. Пӱртӱс поянлык министерстве ушештара: чодыра законодательствым пудыртымылан административно да уголовно мутым кучаш шогалтен кертыт. Кожым шолып руымылан еҥ- влаклан 3 гыч 4 тӱжем теҥге марте, должностной еҥ- влак 20 гыч 40 тӱжем, юридический лица- влаклан 200 гыч 300 тӱжем теҥге марте штрафым тӱлыктат. Вич тӱжем теҥге деч утларак эҥгекым кондымо гын, уголовно мутым кучаш шогалтат. Пӱртӱс поянлык министерстве закондымын пушеҥгым руымо нерген уверда уло гын, 45-08-62 номеран телефон дене увертараш йодеш.