«Марий памаш» Москошто концертым ончыктен

              «Тӱвыра» калыкле проектын грантшым налше, «Марий памаш» фольклор да этнографий калык ансамбль, Москосо «Руш муро» кугыжаныш театрын сценыштыже эртыше самодеятельный усталык коллектив- влакын Россий кӱкшытан фестиваль- конкурсыштын лауреатше- влакын гала-концертыштышт шкенжым ончыктен. Тиде фестиваль «Тӱвыра» калыкле проектын ик эн кугу мероприятийже. Концертыште тыгак Пятницкийын хоржо, Сергей Старостин, «Партизан-ФМ» фолк-группа, Москосо шӱвырзӧ- влакын оркестрышт, «Колокола России» ансмабль да молат выступатленыт. Кум ий жапыште проектыште 85 регион гыч 700 утла коллектив шкенжым ончыктен. Тений тудо икмыняр йыжыҥ дене эртен. Ойырен налме йыжыҥже видеоформат дене лийын. Жюри 20 лауреатым ойырен налын. Нунылан 20 миллион теҥге грантым пуымо.
               Фото: МариМедиа.