Следствий виктемын пашаеҥже- влак юридический класслаштыже тунемше- влак дене вашлийыныт

              Россий следствий комитетын Марий Элысе следствий виктемжын пашаеҥже- влак Руэм кыдалаш школын 10-шо да 11-ше юридический класслаштыже тунемше- влак дене вашлийыныт. Мутланымаш тӱрлӧ темым авалтен. Патриотизм шӱлышеш шуарыме амал дене ийготыш шудымо- влаклан Палыдыме салтакын кечыже, Ачамланде Герой- влакын кечышт нерген каласкаленыт. Тунемше- влак Следствий комитетын вузлаштыже тунемаш йӧн улмо, тушко кузе тунемаш пураш лийме нерген пален налыныт. Тиддеч посна ийготыш шудымо- влаклан банк карте гыч,  мумо карте гыч оксам шолыштмылан мутым кучымо, интернет вотышто шкем кузе кучымо, экстремизм нерген умылтареныт.
             Фото следствий виктемын сайтше гыч налме.