Самбист- влак округысо таҥасымашыште ойыртемалтыныт

             Республикын спортсменже- влак самбо дене Юл кундем федерал округын Чемпионат ден Первенствыштыже ойыртемалтыныт.  Кстово олаште 10-шо гыч 16-шо декабрь марте тыгай таҥасымаш эртен. Республикысе Олимпий резерв училищын спортсменже- влак тушто удан огыл шкеныштым ончыктеныт. Эмирлан Ильязов ден Виталий Жилин кумшо верым сеҥен налыныт. Нуно ынде Российын первенствыштыже таҥасаш тӱҥалыт. Нунын тренерышт Сергей Ялпаев.
              Фото: МариМедиа.