Чоҥаш палемдыме медицина объект- влакым кум регион гына пӱтынек ыштен шуктен
Российын вице-премьерже Татьяна Голикова умылтарен: чоҥаш палемдыме медицина объект- влакым кум регион гына 100 процентлан ыштен шуктен. Владимир Путинын видеоконференций йӧн дене эртарыме Стратегически вияҥмаш да калыкле проект шотышто советын заседанийыштыже Голикова каласен: тиде проектымат коронавирусын пандемийже тӱкен. Туге гынат, ятыр кундемже пашам ворандарен колтен кертын. Тудын мутшо почеш, шӱдӧ процент объектым лач кум кундем гына ыштен шуктен. Тиде- Марий Эл, Пенза да Рязань область- влак.