7-ше номеран колонийын Мода театрже тӱнямбал конкурсын лауреатше лийын

             Республикысе 7-ше номеран колонийын Мода театрже «Какшан ӱмбалне шонанпыл» тӱнямбал конкурсын лауреатше лийын. Исполнительский мастарлыкын шуко жанран 5-ше тӱнямбал «Какшан ӱмбалне шонанпыл» фестиваль- конкурсышто 7-ше номеран колоний-поселенийын усталык коллективше икымше степенян лауреат лийын. Судитлалтше- влак «Хореографий сымыктыш да мода театр» номинацийыште 21 ияш марте ийготан- влак коклаште эн сай лийыныт. Жюрин кӱкшӧ акшым «Салам, теле» сценылык вургем коллекций налын. Мероприятийыште чылаже элысе 10 регион гыч 129 команде таҥасен.
              Фото: Марийская правда.