«Ӱдырсий» 6-шо моторлык да усталык конкурсым иктешлыме

               Йошкар-Олаште регион- влак кокласе кӱкшытан «Ӱдырсий» 6-шо моторлык да усталык конкурсым иктешлыме. Тений тудо тӱрлӧ формат дене эртен. Конкурсант- влакын видеозаписьыштым заочно акленыт, а саламлымашыже офлайн йӧн дене лийын. Таҥасымашке республикысе 9 район, Татарстан, Свердлов область да Моско ола гыч 13 марий ӱдыр ушнен. Жюрин пунчалже почеш Гран-прим Курык марий район гыч Мария Капитонова сеҥен налын. Тудо Чувашийысе тӱвыра училищын 3-шо курсыштыжо тунемеш. Волжский район гыч Наталья Иванова икымше верыш лектын. Озаҥ оласе марий- влакын калыкле- тӱвыра автономийын еҥже Алина Егоровалан кокымшо верым пуымо. Советский район гыч Эльмира Усова кумшо лийын. Интернет йӱклымаш почеш икымше верым да «Интернет марий ӱдыр» титулым Звенигово район гыч Диана Медведева налын.