Санавиацийын вертолётшо тений 41 гана чоҥештен лектын
Санавиацийын вертолётшо тений 41 гана чоҥештен лектын. Тудо «Тазалыкаралтыш» калыкле проект почеш кучылталтеш. Тений республике гыч ӧрдыжкӧ наҥгайыме икымше пациент тылзат пелаш ӱдыр йоча лийын. Тудым шӱм чер дене Пензыш шӱм да вӱргорно хирургийын федерал рӱдерышкыже наҥгаен операцийым ыштеныт. Тений экстренный показаний дене чылаже 39 гана наре чоҥештышаш ыле, но декабрь кыдаллан 41-ыш шуын, 44 пациентым эмлыме верыш наҥгайыме. Шукырак черлыжым тора районла – Курык марий да Юрино, тыгак Волжский, Шернур да Морко районла гыч шупшыктымо. Инфаркт да инсульт дене черле- влакым Йошкар-Оласе эмлыме верын сосудистый рӱдерышкыже, Республикысе кнлинический эмлыме верыш, онкологий диспансерыш да Перинатал рӱдерыш кондымо. Йӧнан лийже манын Йошкар-Оласе эмлыме вер кундемыште вертолёт площадкым чоҥымо.