Инвалид йочан еш- влаклан клуб почылтын

               Йошкар-Олаште инвалид йочан еш- влаклан клуб почылтын. Ава- влак каналтен кертыт, а йочам специалист- влак эскерат. Тудо шукерте огыл рӱдӧ оласе бизнес-колледжыште пашам ышташ тӱҥалын. Тиде проект  ача-ава- влаклан полшаш виктаралтын. Нунын яра жапышт лиеш, а йоча дене волонтёр да психолог- влак шинчат. Клуб шуматкече еда кок шагат дене пашам ышта. Тудын программыже тӱрлӧ лиеш. Клубын адресше: Прохоров урем, 28-ше пӧрт. Эн ончыч ача-ава- влак психологий диагностикым, тестированийым эртат. Тылзе еда нунын дене психолог пашам ышта, тылзеш кок гана фитнес-тренер дене занятий- влак эртат. Шушаш шуматкечын план почеш Йошкар-Ола администрацийын пашаеҥже- влак дене вашлиймаш лийшаш. Нунылан ача-ава- влак шке йодышышытым пуэн кертыт. Чыла полышыжат яра, оксам тӱлыде шукталтеш. Молан манаш гын, проект грант оксам сеҥен налын. Проектшым вич тылзылан гына ыштыме, но умбакыжат пашажым шуя манын ӱшан уло.
             Фотом интернет вот гыч налме.