МВД-н следствий виктемжым у еҥ вуйлата

             Марий Элысе МВД-н следствий виктемжым у еҥ вуйлата. Республикысе эл кӧргӧ паша министр Сергей Волчков личный составым следствий виктемын у вуйлатышыже дене палымым ыштен. Россий МВД-н приказше дене республикысе эл кӧргӧ паша министрын алмаштышыже, следствий виктемым вуйлатышылан юстицийын полковникше Константин Карповым пеҥгыдемдыме. Следствий органлаште Константин Сергеевич 20 ий служитла. Марий Элыш тудо Кострома область гыч толын.
              Фото:МариМедиа.