Таче- Российысе лӱдыкшыдымылык орган пашаеҥын кечыже
Таче Российысе лӱдыкшыдымылык орган пашаеҥын кечыже палемдалтеш. Республикым вуйлатыше Александр Евстифеев республикысе лӱдыкшыдымылык органын пашаеҥже да ветеранже-влакым профессионал пайремышт дене саламла. Ятыр профессий коклаште ойыртемалтшыже уло- шочмо элым аралымаш. Тудо патырлыкым, тазалык шотышто пеҥгыдылыкым, тӱткылыкым да кече еда тыршымашым йодеш. Тендан пашада еҥ шинчалан ок кой, а кӱлешлыкше аклаш лийдыме. Те кугыжанышын лӱдыкшыдымылыкшым, калыкле интересым, граждан- влакын права ден эрыкыштым, илышыште ласкалыкым аралымаште пеҥгыдын шогеда. Экстремизм ден терроризмлан чаракым ыштеда, лӱдыкшым пеш писын пален налыда да порыс ден честьын принципшылан ӱшанле лийын кодыда, - ойлалтеш республикым вуйлатышын саламлымашыштыже.