Йӱштӧ Кугызан поездше рӱдӧ олашкына кожым конден

            Йӱштӧ Кугыза Йошкар-Олашке 140 кожым конден. Йӱштӧ Кугызан поездше- тиде у ий деч ончыч эртарыме поро йӱлаш савырныше акций. Тудым олан администрацийже меценат- влак дене пырля эртара. Иман пушеҥге- влакым виктарыше компаний ден ТСЖ- влаклан пуат. А нуныжо шке кудывечылаштышт вераҥдат. А нуным сӧрастараш модышым верысе калык, школ да йоча- сад- влак чумырат. ТСЖ ден викатрыше компаний- влак кожым шогалтыме дене гына огыт серлаге, пайрем иллюминацийым, каток ден курык- влакым ыштат.
              Фото: МариМедиа.