Чыкма олан историй ужашыжым тӱзландарыме

               Козьмодемьянскыште олан историй ужашыжым пужен ыштыме паша мучашыш лишемын. Ынде Юл эҥерысе олан рӱдыжым палашат ок лий. Кӱшыч ончымо площадке, кукшо фонтан да йолгорно- влак Чыкма олам сӧрастараш тӱҥалыт. Чыла тидыже «Оласе йӧнан кумдыкым ыштымаш» федерал пограммылан кӧра ышталтын. Олам сӧрастарыме планым ола администраций ден Москосо архитектура школын специалистышт дене пырля ыштыме. Вашталтыш тоштерлаште, рӱдӧ площадьыште, паркыште да моло тӱвыра поянлык объектлаште ышталтын. Тений «Оласе йӧнан кумдыкым ыштымаш» программе почеш 85 кумдыкым тӱзландарыме. Тушечын эн шукыжо- 21 - Медведево районышто. Кокымшо верыште –Звенигово район- 11, кумшо верыште- Йошкар-Ола. А шушаш ийын 91 кумдыкым тӱзландараш палемдыме. Тушечын 54-ше тӱшка вер, 37-ше кудывече кумдык.

Прошлые выпуски