Йошкар-Ола гыч кум еш поро пашан еш марафоныштыжо сеҥыше лийын

                   Йошкар-Ола гыч кум еш поро пашан еш марафоныштыжо сеҥыше лийын. А республике мучко тиде марафонышто 14 еш ончыко лектын. Нуно эн шуко баллым погеныт. Тиде Йошкар-Ола гыч кум еш, Марий Турек гыч- лу, Морко да Советский районла гыч икте гыч. Марафоным ямдылыше- влакын мутышт почеш, мероприятий шкем волонтёрын рольыштыжо шижын ончаш, полышым пуымаште пайдале опытым да шинчымашым погаш полшен. Эн шуко полышым Йошкар-Ола гыч «Йолики» команде Антонов да Речкинмыт еш поген. Ача-ава, Ян эргышт да кокашт полшаш 31 йодмашым шуктеныт. Марий Турек гыч Олеся Волкова кок ӱдыржӧ дене 22 еҥлан полышым пуэныт. А Морко районысо Кораксола гыч Алексеев-Андреевмыт еш 19 йодмашым шуктен. Вич эн чолга еш радамышт тыгак Йошкар-Ола гыч Зотовмыт да Марий Турек гыч Тюлькинмыт шуко шочшан еш- влак пуреныт.
                     Спорт-туризм министерствын фотожо.