11-ше лицейын тоштерже Юл кундем округышто кумшо верым налын

                Юл кундем округын «Ачамландын Геройжо- влак» мер проектше кышкарыште «Элым аралыше- влакым шарнымашеш кодымылан пӧлеклалтше эн сай тоштер» номинацийыште Йошкар-Оласе «Таисия Александрова лӱмеш 11-ше номеран лицейын» историй тоштерже кумшо верым сеҥен налын. Россий президентын полномочный представительже Игорь Комаровын кӱштымыж почеш республикысе тӱҥ федерал инспектор Павел Волков тоштерым вуйлатыше Люция Кавиевалан наградым кучыктен. Торжественный церемонийыште Правительство председательын икымше алмаштышыже Михаил Васютин, туныткыш министр Лариса Ревуцкая, лицейын представительже- влак лийыныт.