Руэм посёлкышто у йоча садым почмо

                 Марий Элым вуйлатыше Александр Евстифеев Медведево районысо Руэм посёлкышто у йоча садым почын. Тиде 2017-ше ий гыч почмо 17-ше йоча тӧнеж. Тудым «Демографий» калыкле проект почеш нӧлтымӧ. Тӱшка акше 111 миллион теҥгеш шуын. Йоча сад 2 гыч 7 ияш марте 100 йочалан келыштаралтын. Чыла йӧн уло: кочмо, вургемым мушмо вер, музыка да спорт зал, йӧнан группо- влак, ешартыш шинчымашым пуымо кабинет да медицина блок. Тӧнеж йыр моторын сӧрастарыме площадке- влакым ыштыме. Марий Элым вуйлатыше палемден: у йоча садым пашаш колтымаш правительствын социал йодышым сайын решатлыме эше ик примерже. Тачысе кечылан 3 гыч 7 ияш марте йоча- влаклан садлаште верым тичмаш ситарыме. Тыгай задачым элнан президентше шынден ыле, тудым шуктымо. Марий Элым вуйлатыше пӧлем- влакым ончен савырнен да йоча ден педагог- влаклан чапле йӧным ыштымым палемден.