Ийын кӱжгытшӧ ешаралтеш

              Республикыштына эҥер ден ер- влак 20-30 сантиметр кӱжгытыш кылменыт. МЧС пашаеҥ- влак эше ик гана ийын кӱжгытшым висеныт. 22-шо декабрьлан шотлымаште Юл эҥерысе Чебоксар вӱдаралтышыште фарватерыште 10 сантиметр, вӱд шарлыме верлаше 22 сантиметр марте, Куйбышев вӱдаралтышыште- Кокшайск, Звенигово, Волжск тураште фарватерыште 10 сантиметр, шарлыме верлаште 25 сантиметр марте, Вӱтлаште 17-22 сантиметр марте кылмен. Йошкар-Ола воктене Изи Какшаныште- 20-25, ер ден пӱялаште ийын кӱжгытшӧ 25-30 сантиметрыш шуэш. Туге гынат, утарыше- влак ийыште тӱткӧ лияш ӱжыт.
               МЧС виктемын фотожо.