Республикыштына олтымо тургым кайыме жапыште вучыдымо ситуаций лийын огыл

Республикыштына олтымо тургым кайыме жапыште вучыдымо ситуаций лийын огыл
               Республикыштына олтымо тургым кайыме жапыште вучыдымо ситуаций лийын огыл. Марий Элым вуйлатыше Россий правительство председательын алаштышыже Марат Хуснуллинын эртарыме заседанийыште лийын. Тушто олтымо тургымын кузе кайымыже да топливно-энергетик ресурслан погынышо парым нерген йодыш-влакым каҥашыме. Марат Хуснуллин палемден: Кугыжаныш Дума федерал законым приниматлен. Тудо юридический лица- влаклан, тыгак кугыжаныш да муниципал предприятий- влаклан коммунал инфраструктурым уэмдаш займым пуымо радамым рашемден. Тиде пашалан 150 миллиард теҥгем палемдыме. Чыла кӱлешан норматив актым Правительстве лишыл жапыште пеҥгыдемдышаш улеш. Марий Элыште олтымо тургым штат режим дене кая, вучыдымо ситуаций лийын огыл. Пеҥгыде топливым 100 процентлан ситарыме, чыла ТЭЦ-ыште резерв топливын шапашыже уло. Вучыдымо эҥгек лиеш гын, тудым писын кораҥдаш 196 олмыктышо бригадым чумырымо. Тушко 764 еҥым да кӱлеш наре техникым ушымо. Республикын бюджетше гыч оксам налше организаций- влакын парымышт уке. Тенийсе 11 тылзе жапыште бюджет тӧнеж- влакын пайдаланыме топливно-энергетик ресурслан ик миллиардат 400 миллион теҥге оксам ойырымо.

Прошлые выпуски