Республикысе кучем кӱртньӧ корно дене кылдалтше ситуаций нерген шке шонымашыжым каласен
![Республикысе кучем кӱртньӧ корно дене кылдалтше ситуаций нерген шке шонымашыжым каласен](/upload/iblock/bfd/xyrdip4k2v4hkn4diorf2haobq01iitg.jpg)
Республикысе кучем кӱртньӧ корно дене кылталтше ситуаций нерген шке шонымашыжым каласен. Россий Президентын пресс конференцийыштыже Марий Эл гыч корреспондент Анастасия Петрова Йошкар-Олам кӱртньӧ корно дене моло ола денат ушаш лийме нерген йодышым пуэн ыле. Республикым вуйлатышын пресс-службыштыжо кӱртньо корно кылым вияҥдымашым чынжымак пӱсын шогышо йодыш семын палемденыт. Йошкар-Ола деке толшо кызытсе кӱртньӧ корно тупиковый, ик колеян да электрифицироватлыдыме улеш. Таче кечылан Зелёный Дол- Яранск корным Котельнич марте шуйымо йодышым ончаш кӱлеш. Тидыже «Север-Юг» корнышто кӱрылтышым кораҥдаш да Транссибирский магистральын йӱдвел ден кечывалвел укшыжым Озаҥ- Йошкар-Ола- Киров линий дене ушашлан кӱлеш. Кум регионжат тиде кӱртньӧ корно кыллан кумылан улыт, но «РЖД» ОАО деч посна тидым ышташ ок лий,- палемденыт правительствыште.