Марий Эл гыч туныктышо Российысе лу эн сай дефектолог радамыш логалын
Марий Эл гыч туныктышо Российысе лу эн сай дефектолог радамыш логалын. Москошто «Туныктышо –дефектологын педагогик дебютшо» Россий кӱкшытан кокымшо конкурс мучашлалтын. Тудын финалыштыже Марий Эл гыч Бауман лицейын дистанционно туныктымо рӱдержын туныктышо-дефектологшо, психолого-педагогик службын специалистше Марина Кузьмина участвоватлен. Чылаже элысе 53 регион гыч 217 туныктышо кучедалын. Чыла йыжыҥым эртымеке, мемнан землячка лу эн уста радаыш пурен да конкурсын лауреатше лӱмым налын.
