А Медведевыште модельный йоча книгагудым ыштыме

           А теве Медведевысе йоча книгагудо негызеш модельный йоча книгагудым ыштыме. Идалык еда тиде тӧнеж дене кок тӱжемат 400 еҥ пайдалана, 15 тӱжем утла посещений регистрироватлалтеш да 33 тӱжем утла книга пуалтеш. Тений книгагудо Россий тӱвыра министерствын ойырен налме конкурсшым эртен. Модельный стандарт дене оборудованийым ситараш федерал бюджет гыч 5 миллион теҥгем ойырымо. Модельный йоча книгагудо республикыштына кумшо уэмдыме тӧнеж лийын. Эн ончыч У Торъялыште, Йошкар-Олаште почмо, теве Медведевыште да Звениговышто почылтын. Ынде Морко районышто шке омсажым почшаш.
           Фото: Кидшер сайт.