Советский районышто посёлкыла кокласе газпучым чоҥаш тӱҥалыныт

               Советский районышто посёлкыла кокласе газпучым чоҥаш тӱҥалыныт. «Газпром газораспределние Йошкар-Ола» предприятийын специалистше- влак Кугунур, Шӱледӱр яллашке, Голубой да Солнечный посёлкыла деке газ пучым шупшыт. Тудын кужытшо 28 меҥге лиеш. Тичмашын вес ийын ыштен шуктышаш улыт. Тиде проект «Газпромын» «Марий Элыште 2021-ше – 2025-ше ийлаште газификаций да газым ситарыме программыже» кышкарыште шыҥдаралтеш. Объектым ыштен шуктымеке 655 пӧртыш да пачерыш, кок котельныйыш газым пурташ йон лектеш. Ушештарена: 2025-ше ий марте  газым ситарыме программе Звенигово, Морко, У Торъял, Оршанке, Параньга да Советский районлаште 58 ялыш газым пурташ палемден.
                Фото: "Газпром газораспределение Йошкар-Ола"