«Прометей» студент отряд «Мариэнерго» филиалыште практикыжым мучашлен

                 «Прометей» студент отряд «Мариэнерго» филиалыште практикыжым мучашлен. Марий университетын электроэнергетик факультетшын да Юлтехын механике да машиностроений институтшын студентше- влак, Йошкар-Оласе аграрный колледжын тунемшыже- влак Мариэнергон энергетикше- влак дене пырля пашаштым мучашленыт. Нуно кугурак коллегышт дене пырля филиалын объектше- влакым технически обслуживатленыт, юж электролинийым, трансформатор подстанцийлам олмыктеныт, Медведевысе Чехов уремыште шуко пачеран пӧрт деке кабель линийым шупшыныт. Икмыняр студент филиалын исполнительный аппаратыштыже тыршен. Студент отрядын еҥже- влак тунем пытарымеке Мариэнергош пашам ышташ толаш кумылаҥыныт. Нунылан чапле пашаштлан «Россети Центр и Приволжье» ПАО-н генеральный директоржын алмаштышыже, «Мариэнерго» филиалын директоржо Сергей Хлусов тауштен ойлен.
               "Марийская правда" газетын фотожо.