Санчурск кугорнын икымше ужашыжым почыт
Республикыштына ик эн чот шолдыргышо ола деч ӧрдыжсӧ трассым олмыктат. Санчурск корным ачалаш 366 миллион утла теҥге оксам ойырымо. Чоҥымо паша «Лӱдыкшыдымӧ да сай качестван автомобиль корно- влак» калыкле проект кышакрыште шукталтеш. Тыште йӱштӧ регенераций йӧным кучылтыт. Тидын годым тошто асфальтым пӱчкын налыт да тудым тыгыде кӱ, цемент да эмульсий дене варен, верыштак у шартышым ыштат. Тиде технологий пӱртуслан эҥгекым ок кондо, шулдырак лектеш. Корно вктелсе яллаште илыше- влак корнын качествыжым аклен шуктеныт, нунылан келша. Корнын икымше ужашыжым эрла торжественно почаш палемдыме. Пӱтынь кужытшо Киров кундемын чекыштыже мучашлалтеш. Олмыктымо пашам чоҥымо тургым мучашлалтмеш ыштен шукталтышаш улыт.