Тений тамаклан кӧра 60 гана тул пижын
Тений идалык тӱналтыш гыч республикыштына шекланыде тамакым шупшмылан кӧра 60 гана тул пижын. Утарыше ведомствын увертарымыж почеш, тиде амллан кӧра ӱмыр лугыч лийше- влакат улыт. Тенийсе 7 тылзе жапыште пожарлаште 8 еҥ колен, эше визытын эмганеныт. Окса кугыт шот дене ончалаш гын, шекланыде шупшшо- влак вич миллион утле теҥгеаш эҥгекым ыштеныт. Утарыше- влак шижтарат: малыме верыште тамакым шупшмаш поснак лӱдыкшӧ. Шупшмеке, тамакым эреак йӧрташ тыршыман.