Суд- влакын пашаштым иктешлыме.

Республикыштына тенийсе икымше пелийыште районласе суд да мировой судья- влакын пашаштым иктешлыме. Совещанийыште федерал судлан судьяшт да мировой судья- влак чылаже 100 утла еҥ погынен. Докладым республикысе Верховный судым вуйлатыше Александр Давыдов ыштен. Тудын мутшо почеш, пел ий жапыште граждан, административный, уголовный паша да административный правонарушений шотышто ончен лекме пашан чотшо ешаралтын. 2018-ше ий дене таҥастарымаште граждан да административный паша 7 процент нарылан, уголовный- 22, административный правонарушений шотышто паша 30 процентлан шукемын. Суд департаментын ончыктымыж почеш, икымше пелйыште суд- влак индеш тӱжем утла пашам онченыт. 641 еҥым эрык деч посна кодаш ыштыме. Тушечын 364 еҥжым петырыме, 277 еҥжым условно мут кучаш шогалтыме. Присяжный заседатель- влак дене пырля кум уголовный пашам ончымо. Иктыже- Йошкар- Олаште, кокытшо- Волжскышто.