Штрафым жапыштыже от тӱло- кок пачаш кӱрын луктыт

Таче Йошкар- Олаште кугыжаныш автоинспекцийын пашаеҥже- влак суд пристав служба дене пырля водитель- влакын штрафым жапыштыже тӱлымыштым тергат. Тений идалык тӱналтыш гыч корнышто административный правонарушенийым ыштымылан 116 тӱжемат 700 утла пунчалым лукмо. Тудын почеш 107 миллион утла теҥге штрафым тӱлышаш улыт. Тушечын 22 миллион теҥгежым гына тӱленыт. Штрафым тӱлымӧ жапымат палемдыме. Пунчалым лукмеке, тудым 60 сутка жапыште тӱлыман. 20 суткаште тӱлышӧ- влак 50 процентлан шагалрак пуэн кертыт. Жапыштыже огыт тӱлӧ гын, адакат штрафын кугытшо кок пачаш кугемеш, але 15 суткалан петырен кертыт.