Тул нимомат ок чамане
Эртыше арнян утарыше ведомствын пашаеҥже- влак республике мучко 20 пожарым регистрироватленыт. Эн шуко тул пижымаш Йошкар- Олаште палемдалтын- лу гана. Медведево районышто- кумыт, Марий Турек ден Советский районлаште- кокыт гыч, Килемар, Шернур да Звенигво районлаште- икте гыч. Тулшореш кум еҥын ӱмыржӧ кӱрылтын, икте когарген. Тул тыгак ныл оралтым да ик тонн шудым пытарен. Ушештарена: тений идалык тӱналтыш гыч тӱжемат 300 утла пожар лийын. Тушто 24 еҥ колен да 20 еҥ эмганен.
