Пудий изи гынат, пеш лӱдыкшӧ
Тенийсе шошо-кеҥеж жапыште республикысе эмлыме верлашке пудий пижмылан кӧра ик тӱжемат 190 еҥ полышым йодын миен. Ӱмаште тӱжемат 403 еҥ лийын. Нунын кокла гыч 19 утла процентше йоча- влак улыт. Кодшо арнян гына 30 еҥ полышым йодын, тушечын лужо- йоча- влак. Росптребнадзор виктемын увертарымыж почеш, таче кечылан ик еҥын энцефалит черым рашемдыме, 12 еҥын боррелиоз пале лийын. Еҥ- влак дечын налме 157 пудийыште боррелиозын, 12- ышто энцефалитын, эше 10 копшаҥгыште моло черын возбудительыштым мумо.
