Мусульман- влакын тӱҥ пайремышт- Курбан байрам тӱҥалын
Теҥгече мусульман калык шкенжын тӱҥ пайремжым- Курбан-байрамым палемдаш тӱналын. Российысе мусульман- влакын духовный виктемыштым да муфтий- влакын Советыштым вуйлатыше Равиль Гайнутдин пӱтынь мусульман калыкым пайрем дене саламлен. Тиде кече Крымыште, Адыгейыште, Башкирийыште, Дагестаныште, Ингушетийыште, Кабардино-Балкарийыште, Карачаево-Черкесийыште, Татарстаныште да Чечняште официально пайрем кечылан шотлалтеш. Курбан байрам шомакым марий йылмыш кусараш гын, юмылан надырым пуымо пайрем манаш лиеш. Тиде пайрем шнуй Рамадан тылзе деч вара, 70 кече эртымеке, палемдалтеш. Тудо вич кече шуйна. 11-ше август гыч 15-ше август марте. Пайремлан ончылгоч ямдылалташ тӱналыт да 10 кече пӱтым кучат. Нине кечылаште родо-шочшо да йолташ-влак деке коштыт, пӧлекым кучыктат.
Республикым вуйлатыше Александр Евстифеев республикысе мусульман- влакым пайрем дене саламлен. Тиде пайрем шӱм-чон яндарлыкым, чынлыкым, порылыкым да лишыл еҥым йӧратымым ончыкта. Тек нине кече- влак Российысе обществым чак ыштат, кажне ешыш пиалым да улан илышым кондат. Республикысе правительстве ден мусульман- влакын верысе духовный викемыштын пырля шуктымо пашашт элнан шӱм-чон яндарлыкын куатшым пеҥгыдемдаш, пошкудо семын келшен илыме йӱлам, калык да конфессий коклаште умылымашым вияҥдаш полша. Ислам юмын йӱлам кучышо чыла калыклан пеҥгыде тазалыкым, тыныслыкым, порылыкым тыланем. Тек тендан суртыштыда ласкалык, йӧратымаш да ваш умылымаш озаланат, - ойлалтеш республикым вуйлатышын саламлымашыштыже.
Республикым вуйлатыше Александр Евстифеев республикысе мусульман- влакым пайрем дене саламлен. Тиде пайрем шӱм-чон яндарлыкым, чынлыкым, порылыкым да лишыл еҥым йӧратымым ончыкта. Тек нине кече- влак Российысе обществым чак ыштат, кажне ешыш пиалым да улан илышым кондат. Республикысе правительстве ден мусульман- влакын верысе духовный викемыштын пырля шуктымо пашашт элнан шӱм-чон яндарлыкын куатшым пеҥгыдемдаш, пошкудо семын келшен илыме йӱлам, калык да конфессий коклаште умылымашым вияҥдаш полша. Ислам юмын йӱлам кучышо чыла калыклан пеҥгыде тазалыкым, тыныслыкым, порылыкым тыланем. Тек тендан суртыштыда ласкалык, йӧратымаш да ваш умылымаш озаланат, - ойлалтеш республикым вуйлатышын саламлымашыштыже.
