Сонар тургым почылтеш

Марий Элыште сонар тургым почылтмеш икмыняр кече гына кодеш. Августын кумшо шуматкечынже- 17-ше августышто, сонарлыме шыже тургым тӱҥалеш. Вӱд, куп, пасу, чодыра кайыкым 15-ше ноябрь марте кучаш лиеш. Кугу ирсӧснам 31-ше декабрь, маскам 30-шо ноябрь, нергем 31-ше октябрь марте сонарлаш йӧн ышталтеш. Тений эше сонарлыме вес жапым палемдыме. Икияш марте ирсӧснам икымше октябрь гыч 31 –ше декабрь марте, ош мераҥым 15-ше ноябрь гыч, рывыжым, ондатрам, енотым 15-ше октябрь гыч, пирым 15-ше сентябрь, шордым 1 ноябрь гыч кучаш темлыме. Пӱртӱс поянлык министерстве ушештара: чувар мераҥым, сур ирмузым Марий Эл мучко кучаш чарыме.