Оршанке район мучко ырес дене ошкылмаш лиеш

Оршанке районышто идалык еда храм деч храм марте Успенский ырес дене ошкылмаш эрта. Тений тудо 21-ше гыч 27-ше август марте шуйна да митрополит Иоаннын сугыньлымыж почеш эртаралтеш. Ырес дене ошкылмаш кажне ийын Юмын аван тӱрлӧ шнуй образе дене лиеш. Тиде гана «Всех скорбящих Радость» Юмын аван юмоҥаже дене ошкылыт. Ырес дене ошкылмаш 21-ше августышто Йошкар Эҥер селасе храмыште литургий гыч тӱналеш. Марий епархийын увертарымыж почеш, чыла храмысе эр службышто тунемше да студент-влак у тунемме ийлан юмын сугыньым налын кертыт.