У контейнерыш шӱк-куштырам опташат сайрак

Волжск олаш шӱкшакым погымо икымше тӱшка контейнер- влакым кондымо. Тиде шӱк-куштыра реформын ик ужашыже. Чылаже 800 контейнерым кондышаш улыт гын, кызыт пелыж наре толын. Нуным вераҥдымым да шкевуя чумырымо шӱк ора- влакым кораҥдымым тергаш пӱртӱс поянлык министр Алексей Киселёв Волжск олаш шке миен. У ате- влак евростандартлан келшен толыт, петыртышан да кужу жап чытышан улыт. Министр тыгак ондак пуымо кӱштымашыжым терген. Гараж кооператив воктене площадкым эртыкташ кӱлеш манын ыле. Но кызытеш тиде сомылым шуктымо огыл. Шӱкшакым шкевуя чумырымылан вуйын шогышо еҥым рашемдат.