Таче- Мӱй спас

Таче православий юмын йӱлам кучышо- влакын Успений пӱтышт тӱналын. Чыла пӱтӧ кокла гыч тудо эн кӱчыклан шотлалтеш- 14-ше гыч 27 август марте шуйна. Тудо Мӱй спас дене тӱналеш. Тиде пӱтӧ Кугу пӱтӧ семынак пеҥгыдылан шотлалтеш. Колым 19-ше августышто Юмын Вашталтме пайрем кечын гына кочкаш лиеш. Таче чыла храмыште пайрем службо- влак эртат, мӱйлан шнуй шӱлышым пуртат. Ожно тиде кечын вӱдышкӧ йӱштылаш пуреныт. Вӱд языкым мушкын колта, ойго да чер деч арала манын шоненыт. А 14-ше август деч вара йӱштылаш чаралтын. Успений пӱтӧ кум спасым ушен шога: 14-ше агустышто- Мӱй спас, 19-ше кечын- Олма, 29-ше августышто Пӱкш спас лиеш.