Самырык возгалыше- влаклан пайдале семинар

26 сентябрьыште Йошкар-Олаште самырык писатель-влаклан «Сылнымут шыже - 2015» Республикысе семинар-совещаний эртаралтеш. Сылнымут деке шӱмаҥше рушла да марла возышо самырык автор-влаклан икмыняр секций пашам ышташ тӱҥалеш: прозо, поэзий, драматургий. Нунын дене лӱмлӧ писатель ден журналист, республикысе савыктыш-влакын тӱҥ редакторышт сомылым вораҥдарат, чумыр сылнымутлан акым, возышо-шамычлан ой-каҥашым пуат. Кажне участниклан сертификат кучыкталтеш, ойыртемалтше-влак диплом дене палемдалтыт. Семинар кышкарыштак Марий книга савыктышын да Россий писатель ушемын Марий пӧлкажын савыктен лукмо книгашт дене палдарымаш лиеш. Самырык автор-влак рукописьым электрон почто дене колтен кертыт: keche@inbox.ru  
але Россий почто гоч тыгай адрес дене:  424000, Республика Марий Эл,  г. Йошкар-Ола, наб. Амстердам, д. 2.
Вашлийме вер: Йошкар-Ола, Амстердам урем, 2-шо пӧрт. Семинар-совещаний 11 шагатлан тӱҥалеш.